За најдобрата верзија на овој колач, оставете го минимум 24 часа да се олади во фрижидер
Ова е наједноставниот начин на приготвување на познатиот италијански десерт, а изваден е од оригинална книга за италијански рецепти. На Интернет постојат многу верзии на овој колач, но овој е убедливо најдобриот.
Состојки:
- пишкоти
- 175 мл еспресо
- 1 лажица шеќер во прав
- 500 г маскарпоне (на собна температура)
- 3 јајца
- какао во прав
- 1 стапче ванила
Приготвување:
Сварете кафе и оставете го да се олади. За тоа време, одвојте ги белките од жолчките. Изматете ги белките со шеќерот, а во друг сад изматете ги жолчките, маскарпонето и стапчето ванила. Спојте ги овие две смеси со маталка (не со миксер).
Потопете ги пишкотите во кафето, а одозгора ставете од филот. Повторувајте ја постапката и на крај, посипете какао во прав. Оставете го колачот да се олади во фрижидер минимум 24 часа.
