Во огромно интервју за списанието People, Опра Винфри се осврна на тоа како со години јавно ја критикувале поради вишокот килограми.
Американската ТВ ѕвезда, која на крајот на јануари ќе го прослави својот 70-ти роденден, раскажала како најлошо поминала кога нејзиното ток-шоу Опра Винфри се емитувало на телевизија.
„Исмевањето на мојата тежина трае веќе 25 години и веќе стана јавен спорт. Со нештата што беа кажани за мене и шегите што се правеа за мене денес, не можеше туку така да се извлечеш“, објасни Винфри, која голем дел од својот живот да им помага на другите, особено на жените и на малцинските групи.
Како особено болно искуство го истакна моментот од почетокот на кариерата, кога се „најде на тапет“ на модниот критичар г. Блеквел и заврши на насловната страница на списание кое ја исмеваше нејзината тежина веќе во насловот. “Не бев лута. Едноставно го прифатив тоа како вистина и моја вина. Чувствував тага и срам, но во тој момент гневот не ми беше ни на ум”, објаснила таа.
Пресвртна точка во нејзиното размислување се случила за време на снимањето на панелот The State of Weight, на кој учествувале експерти и лекари за слабеење. Потоа имало момент кога сфатила дека долги години неоправдано се обвинувала себеси за вишокот килограми, а всушност имала предиспозиции кои нејзината волја не можела да ги контролира.
По овој разговор таа успеала да се ослободи од срамот и да се консултира со лекар. Тој ѝ препишал лек кој ѝ помогнал да се избори со килограмите, а ѕвездата го користи до ден денес. Иако не сакала да ја открие точната постапка, Опра изгледа одлично.
Ѕвездата сподели и дека, покрај споменатиот лек, пронашла и програма која ѝ помогнала да го промени целиот животен стил. Во програмата Weight Watchers акцентот бил ставен на пропорциите во исхраната, а за 15 месеци таа успеала да изгуби повеќе од 20 килограми.
