Оливер Драгојевиќ 30 години не сакал да пее во Белград, ниту за 200.000 евра

Хрватскиот пејач Оливер Драгојевиќ нѐ напушти пред пет години, а неговите многубројни обожаватели во Србија се тажни поради таа загуба, но и поради тоа што 30 години немале можност во живо да го слушаат својот омилен музичар. Оливер почина на 29 јули 2018 година на 71-годишна возраст по долга борба со ракот на белите дробови, пишува хрватски „Стори“.
„Стариот морски волк“, како што го нарекуваа, имаше импресивна кариера во која ги отпеа хитовите како „Цесарица“, „Два пут сам умра“, „Траг у бескрају“, „Тко сам ја да ти судим“, „Шта то беше љубав“, „У љубави вјере немам“, „Опрости ми, папе“…

Освен што изгради музичка кариера, Оливер беше многу посветен и на своето семејство. Љубовта на неговиот живот беше Весна Драгојевиќ, со која беше во брак 44 години, до неговата смрт. Во бракот ги добија синовите Дино, Давор и Дамир и бројни внуци.

Стиховите на песните на Оливер ги обожаваа сите, без разлика на вера, националност и јазикот што го зборуваат. Поради ова, многумина до крај се надеваа дека еден ден ќе дојде во Белград, но тој си го одржа зборот.

Пејачот Оливер Мандиќ зборувал за оваа незгодна тема пред неколку години во емисијата „Моите 50“ на „Накси радио“ и тогаш открил зошто Драгојевиќ не дошол во Србија.

– Оливер е одличен пејач. Штета што не може да дојде во Белград. Му понудив 200.000 евра за да направиме концерт под назив „Два Оливера“ со Филхармонијата. Ситуацијата е многу специфична во нивната средина. Тој вели дека кога ќе се врати во Сплит по концертот во Белград, ќе мора да се грижи за животот на своите синови – рекол Мандиќ.

И Драгојевиќ зборувал за настапот во Белград во интервјуто кое ѝ го дал на Тања Петернек Алексиќ во емисијата „ТВ лица, како и целиот нормален свет“, а кога таа го прашала дали Белград ќе се најде на списокот на градови во кои тој ќе направи концерт, тој одговорил:

„Нема, нема. Тоа го завршивме. Всушност, ја завршивме таа тема… Многупати ми се јавуваа и секогаш кога ќе кажев не, мислев дека таа тема е завршена.“

Драгојевиќ додал дека нема шанси да го смени мислењето. Сепак, тој истакнал дека публиката од Србија е добредојдена на секој негов концерт во Србија и во соседните земји.

– Кај што мислат дека не се далеку нека дојдат на концерт. Им посакувам здравје, среќа – рекол Драгојевиќ.

На прашањето на што се сеќава од Белград, рекол: „Таму имаше добри луѓе!“