Со работен состанок и првиот тренинг започнаа подготовките на македонските одбојкари пред Европското првенство во август и септември. Селекторот Јошко Миленкоски, повика деветнаесет одбојкари, кои ќе ги тестира на единаесет пријателски натпревари.
Првите контроли ќе бидат со Романија од четврти до шести август во СЦ „Јане Сандански“, а потоа националниот состав ќе се префрли во „Јасмин“ за заедничка работа со Израел и со Јапонија. Со Израелците, кои што исто така се коорганизатори на Европскиот шампионат, ќе одиграме две средби, а тие со Јапонија една, исто како и Македонија, што значи дека во Кавадарци ќе има четири натпревари во период од четири дена пред македонските одбојкари да се вратат во Скопје.
