Полнети се со сирење и кашкавал, а може да се јадат со ајвар, шунка, пршута…
Состојки:
- 4 јајца
- 1 лажиче сол
- 200 г кашкавал
- 200 г фета-сирење
- 1 кесичка прашок за печиво
- 100 г брашно
- 80 г лебни трошки
Приготвување:
Најпрво, изматете ги јајцата со сол, додајте рендан кашкавал, иситнето сирење, прашок за печиво, брашно и лебни трошки. Потоа, соединете го сето тоа за да добиете погуста смеса.
Вадете од смесата со лажица и редете го тестото во плех обложен со хартија за печење, па печете на 200 степени во претходно загреана рерна додека зарумени.
Ќе добиете уштипци кои однадвор се крцкави, а однатре меки. Добар апетит!
