Најубавата плажа на светот во 2023 година е Лаки Беј во Австралија.
Порталот „50 најдобри плажи во светот“ секоја година објавува ажурирана листа на најубави плажи.
Списокот е направен земајќи ги предвид природните убавини, просторот, популарноста, активностите на плажа и чистотата и спокојството на морето.
Повеќе од 750 од најпознатите и највлијателните светски патописци, новинари и експерти секоја година гласаат за најдобра плажа.
Оваа година плажата Лаки Беј во Австралија го зазеде првото место благодарение на чистиот песок и тиркизната вода.
Интересно е и тоа што плажата е позната по кенгурите кои живеат таму и уживаат во прекрасната природа.
-Пријателските кенгури не се единственото нешто што ја прави оваа плажа најдобра на светот. Лаки Беј има беспрекорен бел песок и неверојатно тиркизно море. Се протега на над 5 километри, па гарантирано ќе најдете место со помалку гужви и ќе уживате во сите природни убавини – се наведува на веб-страницата „50 најдобри плажи на светот“.
