Излезе новата ранг листа на Т.Ц. Кендлер, креатор на популарниот избор на 100 најубави лица на годината.

Според новото издание, најубава жена на планетата за 2023 година, барем според овој избор, е американско-корејската пејачка, актерка и водителка Ненси Џуел Мекдони.
Ненси е ѕвезда на к-попот, односно популарната јужнокорејска музика, а се прослави со женската поп група „Momoland“. Оваа прекрасна 23-годишна девојка е родена во Јужна Кореја, но пораснала во Америка, бидејќи нејзиниот татко Ричард е Американец. Меѓутоа, таа се вратила во татковината за таму да го заврши средното образование.

Како што пренесува „CNA Life Style“, првите пет најубави жени ги комплетираа руската инфлуенсерка и модел Даша Таран, корејската пејачка Сана Минатозаки, холивудската актерка Гал Гадот и американската манекенка Џасмин Тукс, која минатата година беше победничка на оваа листа.