По бројните шпекулации, сега е официјално – пејачката Лејди Гага го толкува ликот на Харли Квин во второто продолжение на филмот „Joker“, а се појавија и првите фотографии од снимањето. На фотографиите се откриени костимот и шминката, а ја прикажуваат сцената пред влезот на зградата на владата, додека демонстрантите носат натписи на кои пишува „Ослободи го Џокер“, „Правда за Џокер“, „Џокер ожени ме“ и „Нема правда, нема вина, нема шегување“. Меѓу толпата може да се видат неколку шарени перики и кловнови маски.

Интензивно црвеното палто, блузата со дијамантски принт, шминката на кловн и романтичните пораки меѓу демонстрантите секако укажуваат на едно –  костимот на Лејди Гага во „Joker: Folie à Deux“ ги покажува сензибилитетот на оригиналниот изглед на Харли Квин (од стрипот) и прилично острата естетика на првиот дел од филмот.

За костимите е задолжена Аријана Филипс, костимографка која трипати била номинирана за Оскар во категоријата за најдобар костимограф.

„Joke: Folie à Deux“ е долгоочекуваното продолжение на психолошкиот трилер во режија на Тод Филипс. Заедно со него, на сценариото за филмот работеше Скот Силвер – сценарист на филмот „8 Mile“ и „The Fighter“.

Пред ликот на Харли Квин во „Joker 2“, Лејди Гага глумеше во филмовите „A Star Is Born“ и „House of Gucci“.