Возачот на Мекларен Ландо Норис и Шарл Леклер од Ферари беа најбрзи на тренинзите во Мелбурн, пред трката за Големата награда на Австралија во Формула 1.
Норис беше најбрз на првиот тренинг со време од 1:17.252 минути.
Возачот на Вилијамс, Карлос Саинц, го освои второто место со заостанување од 0,149 секунди, додека Леклер беше трет со 0,209 секунди заостанување.
Четвртото место му припадна на Оскар Пјастри од Мекларен, актуелниот шампион Макс Верстапен од Ред Бул беше петти, додека возачот на Вилијамс Алекс Албон го освои шестото место.
Новиот возач на Ферари, Луис Хамилтон заврши на 12-та позиција.
На вториот тренинг најбрз беше Леклер со време од 1:16.439 минути.
Пјастри беше втор со заостанување од 0,124 секунди, додека Норис го освои третото место со заостанување од 0,141 секунди.
Четврти беше возачот на РБ Јуки Цунода, Хамилтон го освои петтото место, додека шестото место му припадна на Исак Хаџар од РБ.
Ферстапен заврши на седмото место.
Третиот тренинг ќе се одржи ноќта помеѓу петок и сабота, квалификациите ќе се во сабота во 6 часот по средноевропско време, а ГН на Австралија ќе се одржи во недела во 5 часот.
