Новиот филм „Armor“ во кој главната улога ја игра Силвестер Сталоне ги доби првите реакции на гледачите и критичарите.
Имено, акциониот филм во режија на Џастин Рут, чија премиера беше во ноември оваа година, доби лоши критики од гледачите и критичарите. Иако по објавувањето на трејлерот очекувањата не беа преголеми, сепак гледаноста е исклучително мала.
На платформата за рејтинг на филмови Rotten Tomatoes, гледачите му дадоа 26 отсто оценка, додека критичарите ѝ дадоа најниска оцена, односно нула. Во моментов има оцена 3,5/10 на IMDb.
Заплетот на филмот е за татко (Џејсон Патрис) и син (Џош Вигинс), кои работат за агенција за обезбедување и превезуваат пратка за која не знаат ништо. Тие се нападнати од искусен тим на разбојници, предводени од Рук (Силвестер Сталоне). Иако разбојниците се надевале на едноставна работа, ситуацијата тргнува наопаку. Затворените татко и син ја откриваат вредноста на пратката што ја превезуваат и решаваат да се здружат и да ги измамат разбојниците.
Покрај Сталоне, Патрик и Вигинс, во филмот играат и Деш Михок, Ерин Оунбеј, Лејни Стибинг и Џеф Чејс. Сценариото е на Кори Тод Хјуз и Адријан Спекерт.
Филмскиот критичар на Variety, Денис Харви напишал дека дури и актерската екипа и нивните изведби не успеале да го надминат ограниченото сценарио. Тој понатаму објаснува дека филмот всушност е „просечен материјал кој не е подобрен со посебни детали“.
Ниту другите филмски критичари не се оптимисти и многумина сметаат дека акциониот филм е целосно промашен. Фановите на социјалните мрежи генерално веруваат дека филмот нема доволно добар заплет и не разбираат како Сталоне се согласил да работи на овој филм.
