Филмското студио А24 работи на нов еротски трилер, наречен Babygirl, во кој главните улоги ќе ги толкуваат Никол Кидман, Антонио Бандерас и Харис Дикинсон, пишува IndieWire.

Филмот ја следи успешната извршна директорка (Кидман), која започнува забранета љубовна врска со нејзиниот многу помлад практикант (Дикинсон). Бандерас во филмот ќе го игра сопругот на извршната директорка.

Освен нив, во филмот се појавуваат и Софи Вајлд, која глуми асистентка која е сведок на аферата и Жан Рено, која ја игра главната ривалка на режисерот.

„Babygirl“ е во режија на холандската актерка и режисерка Халина Рејн, која го напиша и сценариото за еротскиот трилер. Рејн претходно работеше со студиото А24 на минатогодишната комедија Bodies Bodies Bodies, во која глумеа Амандла Стенберг, Марија Бакалова, Ли Пејс, Пит Дејвидсон, Рејчел Сенот и Чејс Суи Вондерс.

А24 го финансира еротскиот трилер на Рејна, а на филмот работат и продукциските куќи 2AM и MAN UP film. Датумот на премиерата на Babygirl се уште не е познат, но снимањето би требало да започне во декември во Њујорк.