Ќе се продолжи рокот за изградба на автопатот Кичево – Охрид. Рокот за изградба е пробиен, а владата ги овласти вицепремиерот Битиќи, министерот за транспорт Бочварски, и директорот на државни патишта Рустеми да почнат преговори со кинеската Синехидро за нов анкес на договорот со продолжен рок на изградба.

Додека траат преговорите, изградбата на патот ќе продолжи со користење на веќе обезбедени средства. Одлуката е донесена, по извештаите на експертите и на надзорите, според кои, има потреба од продолжување на крајниот рок за изведба на градежните работи на овој автопат.

Експертите го зеле предвид фактот за досега реализираниот висок степен на физички извршените работи и решени отворени прашања.

Актуелната влада останува на ставот дека патот е приоритет, но ја повтори и оценката дека првичниот проект на владата на Груевски имал бројни пропусти во проектирањето.

Проектот за изградба на автопатот Кичево – Охрид трае подолго од една деценија, а досега чини околу 600 милиони евра. Досега веќе вторпат се пробива крајниот рок за изградба, а на трасата на патот повторно се појавија 11 нови свлечишта.