Израелскиот премиер Бенјамин Нетанјаху и неговата сопруга Сара се засолниле во луксузниот замок на пријател милијардер, среде зголемениот бран на гнев во јавноста. Приватна вила во Ерусалим е опремена со длабок нуклеарен бункер, а во средата персоналот беше зафатен со обезбедување на комплексот. Сопственик е американскиот милијардер Сајмон Фалиц.

Ова не е прв пат парот да престојува во куќата на тајкунот. Пред две години имаше прашања за тоа зошто парот престојувал таму, кога си има и свое имотно портфолио.

Двојката, која е обвинета дека земала раскошни подароци – вклучувајќи шампањ и накит во вредност од десетици илјади долари – од нивните богати пријатели донатори, имаат две приватни резиденции во Ерусалим и една во богатиот крајбрежен град Цезареја, пишува британски Телеграф.

Овој потег предизвика бес во Израел. Новинарот Ури Мисгав сподели фотографии од имотот и рече: „Ние реновираме, обезбедуваме и финансираме три куќи за семејството Нетанјаху“.

Тој рече дека персоналот бил преместен таму, вклучително и нивниот личен готвач, со подготовките кои сугерираат дека идните состаноци со светските лидери исто така ќе бидат преместени таму.

Одлуката да се пресели во резиденција со длабок нуклеарен бункер не е вообичаена во Израел, дури и меѓу супербогатите.

Но, со се посилните закани од Иран, такви вили беа изграденио од страна на неколку луѓе од најтесниот круг на премиерот.

Британско-германскиот тајкун Зак Гертлер е исто така познат по тоа што поседува сличен бункер, што ја нагласува растечката загриженост бидејќи иранската закана станува се поизвесна.

Минатиот месец, непосредно пред Хамас да објави војна, Нетанјаху се пресели во хотелот Валдорф Асторија во Ерусалим. Во тоа време, Кабинетот на премиерот објави дека во домот во Ерусалим е во тек реновирање за да се подобрат неговите безбедносни способности.

Овој потег доаѓа откако популарноста на Нетанјаху драстично опадна од почетокот на инвазијата во Газа. Неговата сопруга, исто така, е длабоко непопуларна и е обвинета за одложување на одговорот на владата за нападот на Хамас на 7 октомври.

Безбедносен извор близок до ситуацијата рече дека г-ѓа Нетанјаху има „уникатна позиција во израелската политика, како најблизок советник на премиерот“, ставајќи ја во директна линија на огнот за серија контроверзни политички потези.

Предложената судска реформа и зголемената експанзија на населбите на Западниот Брег доведоа до најлошите граѓански немири во земјата, при што војната беше најсмртоносниот ден за Евреите од Холокаустот.

Испитување на екстравагантен начин на живот

Зборувајќи под услов да остане анонимен, извор од безбедноста објасни: „Нејзиното влијание врз политичките одлуки го надминува влијанието на кој било сопружник на претходен премиер во историјата на Израел, па дури и на глобално ниво“. Со текот на годините, Нетанјаху како семејство се соочуваше со лупа поради нивниот екстравагантен начин на живот.