Четворица крадци украдоа сеф во скопската населба Црниче, но операцијата која беше снимена од очевидец се одвиваше далеку од „подмачкано“.

Ситуацијата наликувала на акциска комедија, несмасните крадци „оперирале“ во близина на МВР додека алармот свирел, а кога се обиделе да го стават сефот во возилото, тој испаднал. Снимката од нивната акција стана вирална на социјалните мрежи.

Гласот на очевидецот кој ја снимил ситуацијата е „мутиран“.

МВР претходно извести за инцидентот и го опиша како „кражба на сеф“.

„На 01.04.2024 во 03.58 часот во СВР Скопје било пријавено дека во маркет на подрачје на општина Кисела Вода во Скопје три лица извршиле „тешка кражба“, при што одзеле сеф. Увид бил извршен и се преземаат мерки за расчистување на случајот“, известија од полицијата.