Мачорот Хибала уживал во вниманието и љубовта на неговата сопственичка, во стан во Сиднеј, Австралија. Веруваме дека ниту тој не се надевал дека човековата глупост ќе го доведе до ситуација која му го загрози животот.

Додека неговата сопственичка била во друга држава по работа, го замолла нејзиното 21-годишно момче да го причува 2-годишниот мачор додека таа да се врати. Првин сопственичката забележала дека нешто не е во ред со Хибала кога побарала да го види на камера и забележала лузна на неговиот нос. Таа го замолила нејзиното момче да го однесе на ветеринар, но тој ѝ рекол дека не треба да паничи и ја одбил.

Откако се вратила девојката сфатила дека Хибала не е во станот и почнала да го бара. Дури кога се симнала пред зградата го нашла заглавен во ѓубрето. Мачорот бил фрлен од 7-миот кат преку цевката за ѓубре од страна на момчето на сопственичката.

Кога таа се соочила со него, момчето ѝ кажало дека го направило тоа затоа што било љубоморно на преголемото внимание кое девојката му го обрнувала на мачорот.

Хибала бил однесен на ветеринар, каде што биле пронајдени фрактури на опашот, тешко воспаление и отворени рани преу кои се гледала коската. Ветеринар отстрани две третини од опашката на Хибала за да преживее и животното поминало 4 дена во болницата.

Болно-љубоморното момче добило казна од 6.000 долари и двегодишна поправна казна за придонес во заедницата, со тримесечна интензивна поправна казна. Тој избегнал затворска казна со рано признавање на вината. Забрането му е да купи, да стекне или да поседува животно во наредните 10 години.

Хибала и неговата сопственичка се преселиле во нов стан далеку од насилното момче.