Активисти на Млади за Македонија, заедно со невладините организации Чејнчмејкерс, Спас за Гевгелија, Аква Фортис, здруженија и активисти од Тиквешијата, од Гевгелиско-валандовскиот регион и од цела Македонија за в сабота, 16 септември најавуваат протест против изградбата на малата хидроцентрала на реката Дошница на планината Кожуф. Протестот ќе почне во 11,55 часот на излетничкото место Смрдлива Вода, планина Кожуф.
Според активистите на овие невладини организации, малата хидроцентрала на Дошница ќе го уништи биодиверзитетот и ќе предизвика големи промени врз целиот екосистем на Кожуф. Дошница е последната река во Македонија од која водата се пие и која тече во нечепната природа со богат биодиверзитет.
За протестот ќе биде обезбедено организиран превоз од Гевгелија, Неготино, Кавадарци, Демир Капија, Струмица, а активистите од другите градови ќе може да дојдат до Гевгелија, каде ќе бидат пренесени до локацијата, најавуваат организаторите.
