Сладолед-тортата од боровинки е совршениот десерт за жешките летни денови
Највкусната сладолед-торта од само 4 состојки се приготвува неверојатно лесно, а вкусот е волшебен. Феноменален десерт за жешките летни денови, освежува, не е преслатка, а сладоледот е неверојатно кремлив.
За оваа торта можете да комбинирате овошје по вкус, а ние ви предлагаме боровинки.
Состојки:
- 500 мл слатка павлака
- 200 г кондензирано млеко
- 100 г боровинки
Приготвување:
Изматете ја слатката павлака, па додајте кондензирано млеко и продолжете да матите.
Обложете калап со димензии 24х10 см со проѕирна фолија, наредете бисквити по желба што претходно сте ги потопиле во млеко, па сипете 2/3 од смесата преку тоа. Ставете во фрижидер.
Изгмечете ги боровинките со виљушка или изблендирајте ги, па додајте ги во преостанатата смеса (1/3).
Промешајте и сипете преку белиот фил. Ставете ја тортата во замрзнувач 2 часа.
Потоа, превртете го калапот на чинија и извадете ја тортата. Можете да ја посипете со чоколадни трошки или со овошје.
