Најдобрата македонска тенисерка има напредок на последната ВТА листа и во конкуренција на сингл и во двојки.

На последното рангирање Лина има напредок од седум позиции и сега е 248. место со 290 поени.

Во конкуренција на двојки Ѓорческа по триумфот на турнирот во Хешинген се наоѓа на 282. место со 285 поени или има скок од 84 места.

Ѓорческа оваа недела ќе настапува на фјучрс турнир во Осиек каде е рангирана како прва носителка.

Покрај Лина пласман во поединечна конкуренција има и Магдалена Стоилковска која се наоѓа на 1.565 место со 4 поени и има пад од две места.