Момче (9) се бори за живот откако било нападнато од крокодил во националниот парк „Какаду“ во Австралија.

Сè се случило во саботата навечер, по локално време, околу 21 часот.

„По нападот, пациентот беше пренесен во здравствениот центар Џабиру“, рече портпаролот на CareFlight.

Меѓутоа, поради сериозноста на повредите, момчето со хеликоптер од гратчето со околу 1.000 жители било префрлено во поголема болница во Дарвин.

Таму е на интензивна нега.

„Каде што има вода, има и крокодили“
Во Националниот парк има околу 10.000 крокодили.

„Запомнете дека секаде каде што има вода, може да има и крокодили. Бидете внимателни во близина на реките и внимавајте на знаците за предупредување за крокодили“, се вели на веб-страницата на Националниот парк.

Портпаролот на „Parks Australia“ изјави дека биле информирани за инцидент во кој крокодил повредил едно лице додека пливало.

„Инцидентот се случи во област во националниот парк „Какаду“ која не е достапна за пошироката јавност“, рече портпаролот.