Том Робинсон (24) се надевал дека ќе стане најмладиот кој веслал преку Пацификот.
Тој бил пронајден како седи врз својот превртен чамец без облека на себе, 100 наутички милји југозападно од брегот на Вануату, според објавата на неговата веб-страница. Локалните медиуми јавуваат дека тој бил лекуван од изгореници и дехидрација на бродот, но инаку е во добра здравствена состојба.
Обидот на Робинсон да го собори рекордот започнал кога тој тргнал од Перу минатиот јули. Тој се надевал дека ќе пристигне во Кернс, Австралија до декември. Том бил на последната етапа од своето патување, откако го напуштил градот Луганвил на Вануату во понеделникот.
Зборувајќи за ABC Australia минатата недела, Робинсон рече дека оваа последна етапа од патувањето ќе биде „решавачка фаза“. Сè уште не е јасно што синоќа го превртело неговито чамец, но неговиот уред за одговор при итни случаи се исклучил и тој ги предупредил властите за вонредна состојба.
Рано утрово, екипажот на крстаречкиот брод P&O Pacific Explorer го извлекол младиот човек од водата, се вели во објавата на нејзината веб-страница. Локалните медиуми објавија дека бродот се пренасочил 200 километри за да помогне во спасувањето.
Робинсон му се заблагодари на екипажот на бродот „чие морепловство и професионализам овозможија безбедно спасување“.
Таму Тапаитау, член на тимот за поддршка на Робинсон, рече дека бродот за крстарење се упатил кон Окленд, Нов Зеланд, од каде Робинсон ќе одлета дома во Бризбејн.