Актерката Џулија Робертс успеа да зачува голем дел од својата приватност и покрај славата што ја постигна. Од време на време на социјалните мрежи се појавуваат исечоци од нејзиниот живот и тие се изложени на коментари. Холивудската ѕвезда тешко ја поднесува негативноста која е присутна на социјалните платформи и за тоа јавно проговори.

Изложеноста на негативни коментари за жал е честа појава на социјалните мрежи. На оваа тема Џулија Робертс зборуваше во интервју со Опра Винфри за Harper’s Bazaar во 2018 година, а нејзиниот коментар за острите реакции деновиве се шири на интернет. Нејзините зборови се цитирани и многумина и честитаат што го сподели ова со јавноста.

„Едно утро викенд кога Ема спиеше кај мене (актерката Ема Робертс и е братучетка), станавме и пиевме чај, игравме карти и имавме прекрасно утро, а потоа неколку дена подоцна таа објави слика од нас, многу луѓе почувствуваа потреба да зборуваат за тоа како изгледам страшно на фотографијата, дека не стареам добро, дека изгледам како маж,да се прашуваат зошто објавив ваква слика на  кога изгледам толку страшно.

И бев изненадена од тоа како се чувствувам. Јас сум 50-годишна жена и знам која сум, но моите чувства се повредени. Бев тажна што луѓето не можеа да ја видат поентата на тоа, нејзината сладост, апсолутната радост на таа фотографија. Таа се запраша: „Што ако имам 15 години?“.

Бев толку среќна што добив сосема нов увид во начинот на живот што воопшто го немав. Треба да поминете низ работите за да ги разберете, а ова беше само мал клип за тоа што навистина може да се случи на социјалните мрежи“, изјави Џулија Робертс.