Еден од најзгодните холивудски актери, Ченинг Тејтум, проговори за разводот од актерката Џена Деван, со која беше во брак девет години.

Актерот (42) ја запозна Џена на снимањето на филмот Step Up во 2006 година. Се венчаа во јули 2009 година, а четири години подоцна добија ќерка.

Сепак, во 2018 година парот објави дека се разделува. Разводот беше финализиран во ноември 2019 година.

Во новото интервју за „Венити фер“, Ченинг објасни како се родила идејата за развод откога станале посвесни за своите разлики.

„Долго време се боревме за љубовта иако и двајцата бевме свесни дека на некој начин веќе сме разделени“, рече тој.

Ченинг е во врска со актерката Зои од 2021 година откако почнаа да работат заедно на нејзиниот филм P***y Island.

И покрај оваа нова врска, Ченинг, кој исто беше во врска со пејачката Џеси Џеј, изјави: „Не знам дали некогаш повторно ќе се оженам. Врските се тешки“.

„Во бизнисот навистина не се плашам дека нешто ќе биде уништено, но кога станува збор за луѓето што ги сакам, многу ми е тешко. Секогаш се трудам премногу“, рече актерот.