Мини панцероти

Потребни состојки:

4 парчиња тост леб, со извадена корка
доматен сос со пасирани домати
моцарела сирење
1 јајце
малку млеко
искршен корнфлекс
маслиново масло

Начин на подготовка:

Извадете ја корката од секое лепче и со сукало измазнете ја средината.
Со голема чаша или мала чинија формирајте круг од секое лепче.
Намачкајте ја средината на секој круг со доматното пире и наредете моцарела.
Превиткајте го лепчето на половина и избоцкајте ги краевите со виљушка за да се залепи.
Изматете едно јајце со малку млеко и во смесата потопете ги панцеротите, а потоа извалкајте ги во корнфлекс.
Наредете во плех на хартија за печење и истурете по нив малку маслиново масло.
Ставете ги да се печат на 180 степени 13-15 минути или во Air Fryer со истата температура и времетраење.