Христијан Пендиков од Охрид, кој е член на бугарскиот клуб „Цар Борис трети“ бил претепан од три лица. Според МВР инцидентот се случил пред угостителски објект на кеј „Македонија“, а приведени се охриѓаните С.К., С.К. и И.С. Се работи за пресметка поради меѓусебни недоразбирања.
Пендиков добил тешки телесни повреди, констатирани во Општата болница во Охрид, Христијан Пендиков е секретар на бугарскиот клуб „Цар Борис трети“.
За настанот известен е јавен обвинител, а полицијата презема мерки за расчистување на случајот, по што ќе следува соодветна пријава, соопштија од охридската полиција.
Иако од МВР велат дека станува збор за меѓусебни недоразбирања кои не се од сега, во Бугарија настанот веќе доби политичка конотација.
За настанот информирал бугарскиот европратеник Андреј Ковачев. Според бугарските медиуми, по тој повод Ковачев веќе разговарал со шефот на македонската дипломатија, Бујар Османи.
