Жителите на различни северни делови на Квинсленд во Австралија имаа можност да видат спектакуларна глетка на небото за време на викендот.
Станува збор за метеорит кој го осветли ноќното небо, многумина видоа зелено-бело светло, додека некои тврдат дека слушнале силна експлозија.
Многумина сега собираат податоци за да ја утврдат локацијата на падот на метеоритот, а трагите моментално укажуваат на градот Кројдон. Многу колекционери сакаат да го „фатат“ метеоритот, или неговите делови, па тргнале во потрага.
Метеоритот се појавил во саботата вечерта по локално време, а бил снимен од камери поставени во автомобилите, како и со безбедносни камери.
