Редете ги состојките во повеќе тенки слоеви за да вкусовите рамномерно се соединат за време на печењето.
Потребно:
- 500 г мелено говедско месо
- 5-6 тортиљи
- 1 кромид
- 2 чешниња лук
- 150 г пченка од конзерва
- 100 г грашок
- 1 црвена пиперка
- 400 г домати пелати
- 250 г кашкавал
- 2 лажици масло
- 1 лажичка мелен црвен пипер
- 1 лажичка ким
- Сол и бибер по вкус
- Магдонос по желба
Подготовка: Загрејте го маслото и пржете го ситно исечканиот кромид и лук. Додадете го меленото месо и пржете додека не ја промени бојата, потоа измешајте ја пиперката, пченката, грашокот, доматите и зачините. Гответе десет минути, мешајќи повремено, додека сосот малку не се згусне. Обложете го дното на садот за печење со тортиљи, премачкајте дел од филот и наросете со рендан кашкавал. Повторувајте го редењето додека не ги потрошите состојките и завршете со слој кашкавал. Печете околу 30 минути на 190 степени. Оставете го јадењето да отстои десет минути, потоа наросете со сечкан магдонос и сервирајте.
