Брачниот пар Меган Маркл и принцот Хари им нудат сместување во нивниот луксузен дом на пријатели кои останале без покрив над главата од пожарот во Лос Анџелес.
Војвотката од Сасекс Меган Маркл и принцот Хари проговорија за пожарот во Лос Анџелес, а преку нивната веб-страница Sussex.com ги повикаа луѓето да ги посетат своите соседи и да им помогнат на најпогодените.
Тие исто така оставија линкови со различни добротворни организации. Тие побараа од луѓето да ги отворат своите домови за погодените од пожарите.
Меган и Хари ги отворија вратите од својата палата во Монтесито, вредна 29 милиони долари, за пријателите од ЛА погодени од пожарот, пишува Дејли Мејл.
– Ако некој пријател, член на семејството или домашно милениче мора да бидат евакуирани и можете да им понудите засолниште, ве молиме направете го тоа. Исто така, проверете дали на вашите хендикепирани или постари соседи им е потребна помош при евакуација. Некои семејства останаа без ништо. Размислете за донирање облека, детски играчки и основни потреби. Американскиот Црвен крст е на терен и им помага на оние на кои помошта им е најпотребна – напишаа тие.
Дејли Мејл пишува дека и Хари и Меган би можеле да бидат принудени да го напуштат домот во кој живеат со нивните две деца. Имено, ваквата ситуација отвора можност Сасексите да останат без струја во својата куќа.
