Марија Груевска го привлече вниманието на јавноста со своите необични изведби во натпреварот „Ѕвездите на Гранд“, од кои највпечатлив беше кога на сцената се појави со змија околу вратот. Груевска пред пола година се заколна на вечна љубов и го изговори судбоносното „да“ пред својот долгогодишен партнер Синиша Стојаноски.

Иако го привлече вниманието на домашната и балканската јавност со своите настапи Марија реши да ја напушти Македонија и се отсели неколку илјади километри од татковината.

„Се преселив во Германија, но да бидам искрена, не ми се допаѓа таму. Во последно време размислувам да се вратам назад, бидејќи Балканот е најдобар. Таму сум навикната, но и сите ми се таму“ – изјавила пејачката за „Гранд“, иако не сакала да открие дали преселбата во друга земја била од финансиски или некакви други причини?!

Иако пејачката замина далеку од својата верба публика, Марија активно работи на својата музичка кариера.

„Снимам две нови песни кои се надевам дека ќе успеам да ги завршам и да ги објавам до почетокот на летото. Нетрпелива сум публиката да ги слушне, но од друга страна сакам се да подготвам темелно како и секогаш. Во секој случај, ако нешто се промени во меѓувреме, веднаш ќе ве известам“-   се пошегувала Марија, откривајќи дали нешто се променило откако е во брак?

Марија и Синиша го славеа крунисувањето на нивната љубов цели три дена. На свадбената прослава присуствувале околу 600 гости, а притоа се испочитувале и дел од традиционалните свадбени обичаи.

Груевска за својот најсреќен ден заблеска во венчаница во која за момент не потсети на дизниевата принцеза – Ариел. Корсетот на венчаницата беше креиран во форма на школки со многу карактеристичен дезен збогатен со бисерни монистри.

Класичниот бидермаер кој вообичаено е креиран од свежо цвеќе пејачката го замени со уникатен бидермаер креиран од кристали, школки и морски ѕвезди.