Мала поддршка и големи критики доживеа најавата на премиерот Мицкоски со која тој ја фрли ракавицата во насока како да се зголеми наталитетот и да се застане на патот на демографската рецесија , соопштувајќи дека се размислува да се воведат даноци за немажени и за неженети лица. Едни сметаат дека наместо ефекти ќе има контраефект во борбата со демографијата и уште повеќе ќе ги натера младите иднината да ја бараат во странство.
Професорката Мирјана Најчевска која што е и научен советник во институтот за социолошки и политичко-правни истражувања при УКИМ за телевизија 24 вели дека идејата на власта е несоодветна и ќе биде многу тешко да се избегне дискриминацијата.
И според социологот Иле Ацески со овој потег би се навлегувало во интимната сфера во животот на луѓето, не треба да има казнувањето поради нестапување во брак има многу други начини кои што можат да се применат.
Од „Коалиција Маргини“ во реакцијата до јавноста велат дека зборувањето за зголемување на наталитет како политички хоризонт, а не како резултат на веќе постојна нееднаквост, туку политичко лицемерие кое не само што не нуди решение, туку го засилува проблемот.
Коалиција Маргини: Остро ја осудуваме изјавата на Мицкоски дека „ време е за држава каде што ќе се раѓаат повеќе деца, младите ќе стапуваат во брак, а оние кои што се отселени ќе се вратат“ е далеку од наивна визија, и претставува редефинирање на државата како биополитички проект, во кој државноста се мери преку способноста да се дисциплинира телото, да се контролира приватноста и да се одреди кој живот вреди.
И луѓето велат дека во случај на воведување на овие даноци се навлегува во интимата на човекот и наметнуваат начини на живот но и мешање во личниот избор.
Според анализите што се прават се проценува дека бројот на население кај нас во наредните години може да се намали и за 35 отсто. Прогнозирањата на Државниот завод за статистика се дека за 45 години може да дојде до енормно намалување на населението и биде до 1.3 милиони лица. Секоја година има околу 4000 повеќе починати отколку родени и представува природен пад на наталитетот.
