Во Макпетрол се задоволни со освоени три први места на Купот на Македонија во карате што дене се одржа во Тетово и го освои првото место во вкупниот пласман.
Задоволство е уште поголемо бидејќи Ангела Мојсовска обезбеди директен пласман на Светското првенство во Каиро, Египет, од 23 до 30 ноември, иако денес беше четврта.
Од клубот жалат што Петар Заборски поради повредата не обезбеди директен пласман на СП бидејќи беше во Топ 10 каратистите на ранг-листата на ВКФ. Ако не пропутеше неколку Премиер лиги, ќе имапе сигурен пласман во првите седумина. Но, се радуваат што денес се врати во шампионска форма и го освои првото место.
„Ќе бидеме задоволни, како клуб, ако обезбедиме уште едно место на СП во Египет преку светските квалификации во Париз од 17 до 19 октомври“, вели тренерот Бошко Заборски и додава:
Стефан Стојановиќ беше стандарден, а Викторија Јовановска блесна и го освои првото место. Во оваа категорија до 61 килограм задоволен сум и од настапот на Јована Мицовска, но и од дебитантот Павел Христовски“.
