Хрватската полиција во Имотски уапсила 51-годишен македонски државјанин. Тој е осомничен за криумчарење 25 мигранти и одреден му е притвор.
Осомничениот бил сопрен од полицијата во Имотски. Тој бил зад воланот на комбе во кое имало 25 странци кои илегално влегле во Хрватска, а тој ги презел на територијата на Имотски.
„Утврдено е дека постои основано сомнение дека 51-годишниот од личен интерес им помагал на странски државјани при незаконско движење по претходен договор, откако нелегално влегле територијата на Хрватска пешки“ – соопштија од хрватската полиција.
