Управата за хидрометеоролошки работи прогнозира стабилизирање на временските услови а со тоа и стабилизирање на водостојот на реките и акумулациите.
Според УХМР врнежите кои ги имало периодов и покрај причинетите штети, сепак позитивно влијаеле на општата хидролошка состојба.
Македонија нема развиено систем за управување со поплави а уште помалку со систем за рана најава. Кои би биле бенефитите од него доколку го има.
Државава речиси цел месец беше под влијание на циклонска воздушна маса со голем процент на влажност која поради затоплувањето имаше и електрични празнења, интензивни локални врнежи проследени со град. Со глобалното затоплување , сметаат странските експерти, ваквите временски осцилации ќе ги гледаме се почесто и со се поекстремен израз.
