Два концерти ден за ден до последно место исполнети и два часа настап на виртузони музичари што ги спојува љубовта кон македонското музичко културно наследство. Публиката во Филхармонијата уживаше во секој момент од македонската и балканска премиера на оркестарската верзија на веќе популарниот проект „Македонисимо“ на маестро Симон Трпчески и неговиот квинтет.

Ода на македонската култура и идентитет – тоа ни приреди Трпчески. Видно возбуден што е меѓу својата публика, претставувајќи го проектот по кој веќе и светот нè препознава.

Дел од композициите ги потсети на своите професори, меѓу кои на Томислав Зографски, ја потсети публиката на Горан Стефановски и важноста на тоа да се потсетуваме и да се сеќаваме на големите луѓе од земјава.

Оркестарот „Ајга“ стамено го водеше младата диригентка Ана Спасовска, а публиката одушевија сите солисти-гости. Трпчески одвојуваше убаво внимание на секој од нив, доближуајќи го до публиката. Тоа беа Александар Краповски, на виолина со своите емотивни изведби, Хидан Мамудов на кларинет, саксофон и кавал, гостинот од Бугарија, Александар Димитров, како и Влатко Нушев на удиралки и тапани. Меѓу гостите беше и виолинистот Владимир Крстев.

Синоќа, првоаплрилски, Краповски почна да диригира, Мамудов го замени симон на клавир, а тој пак свиреше на кларинет. Спасовска свиреше на виолина и сите заедно отсвиреа цела фраза. Звучеа одлично.

На публиката ù се поклони и композиторот Панде Шахов, чии нови читања на познатите македонски ора и песни не ја оставија рамнодушна публиката.

Едно е сигурно дека присуствувајќи на „Македонисимо“, беше гордост да си Македонец!