Париз на македонскиот репрезентативец Ти-Џеј Шортс доживеа болен пораз од Фенербахче на вечерашниот меч од 31. коло во Евролигата.
Гостите од Франција го контролираа мечот три четвртини, имаа водство до последната секунда која Хејс-Дејвис погоди тројка за славје на Фенербахче од 101:100, победа со која клубот од Истанбул официјално го потврди местото во плејофот, поточно стана вториот тим со ваков „билет“ по Олимпијакос.
Хејс-Дејвис на крајот заврши со 19 поени, најефикасен беше Гудуриќ со 25 кошеви. Кај поразените залудно беше дабл-дабл изданието на Шортс од 19 кошеви и 10 асистенции.
