Ловечкиот гулаш е богато и ароматично јадење кое се готви бавно за совршено да се поврзат сите вкусови. Мекото месо, збогатено со вино и зачини, му дава длабочина и незаборавен карактер.
Потребно:
- 800 г месо (свинско или говедско)
- 2 големи кромиди
- 3 чешниња лук
- 1 морков
- 2 лажици мелена црвена пиперка
- 200 мл црвено вино
- 1 лажица концентрат од домати
- Ловоров лист, зрна бибер
- Маст или масло
- Сол
Подготовка: Пржете го кромидот во маст додека не стане темен и мек. Додадете го исеченото месо на кромидот и запржете го од сите страни додека не добие боја. Додадете ги исечканите моркови, ситно сечканиот лук, мелената пиперка и концентратот од домати, прелијте го црвеното вино и динствуваајте кратко додека алкохолот не испари. Потоа додадете вода или бујон и зачини (ловоров лист, зрна бибер, сол) и гответе го гулашот полека на тивок оган најмалку два часа, додека месото не омекне и сосот малку не се згусне.
