Погребот на Лијам Пејн наводно треба да се одржи следната недела, а телото на поранешната ѕвезда од „One Direction“ ќе биде пренесено назад во Велика Британија во следните 48 часа, пишува „Сан“.
Се очекува неговото тело да се врати во Британија во рок од 48 часа, а целата документација е завршена, пишува аргентинскиот дневен весник „La Nacion“.
Лијам Пејн почина откако падна од балконот на третиот кат во хотел во Буенос Аирес минатиот месец.
Обдукцијата на телото по неговата смрт утврдила дека причина за смртта на 31-годишникот биле 25-те повреди здобиени при неговиот пад.
Најдоцна до среда телото на Лијам треба да биде во Велика Британија, а погребот да се изврши во катедралата Св. Павле во Вулверхемптон, пренесува „Сан“ (The Sun).
Телото на Лијам беше привремено сместено на британските гробишта во Буенос Аирес два дена по неговата смрт, додека локалните власти спроведоа истрага за околностите на неговиот пад. Овие гробишта биле основани од страна на британската заедница во Аргентина во 19 век за да обезбеди погребно место за нивните членови.
