Лејди Гага го објави својот нов албум насловен „Harlequin“ кој се состои од песни инспирирани од нејзиниот лик во претстојниот филм „Joker: Folie À Deux“, во кој глуми заедно со Хоакин Феникс.
Поголемиот дел од песните на албумот се препеви на класични американски саунтрак песни како „Get Happy“, „That’s Life“ и „That’s Entertainment“, но има и неколку оригинални Лејди Гага песни.
Стилот на „Harlequin“ потсетува на двата албуми кои Лејди Гага ги сними со покојниот Тони Бенет „Cheek to Cheek“ и „Love for Sale“, иако овде песните се изведуваат и со рок и со џез инструментација.
Лејди Гага изминатата недела со билборди го најавуваше својот нов албум на кој пишуваше „LG 6.5“ што навестува дека „Harlequin“ е само најава за нејзиниот следен, седми, студиски албум.
