Овошниот тирамису со праски е едноставен десерт кој не бара комплицирана подготовка, а добро ќе ви дојде и кога треба да го искористите свежото сезонско овошје. За разлика од класичниот тирамису, во оваа верзија нема кафе и какао. Главната улога ја играат праските, маскарпонето и слатката оавлака, додека лимонот, босилекот и малку мед му даваат свежина на целиот десерт.
Потребно:
- 500 г маскарпоне
- 250 мл слатка павлака
- 80 г шеќер во прав
- 1 лажичка екстракт од ванила
- 400 г пишкоти
- 4 зрели праски
- Сок од еден лимон
- 2 лажици мед
- 12 свежи листови босилек
- 150 мл сок од праска или портокал
Подготовка: Прво, измијте ги праските и исечете ги на тенки парчиња. Измешајте ги со мед и сок од лимон и оставете ги околу 20 минути за да го пуштат сокот. Ситно исечкајте го босилекот и додадете го во праските. За кремот, измешајте го маскарпонето со шеќер во прав и ванилата. Во посебен сад, изматете ја слатката павлака, а потоа нежно измешајте ја во маскарпонето. Натопете ги пишкотите кратко во сок од праска или портокал и наредете го првиот слој на дното од садот. Намачкајте половина од подготвениот крем врз нив, потоа половина од праските. Повторете го процесот уште еднаш, додадете нов слој бисквити, преостанатиот крем и на крај преостанатите праски. Ставете го готовото тирамису во фрижидер најмалку четири часа. Ова ќе ги омекне пишкотите и ќе им овозможи на вкусовите да се спојат.
