Никому не му се „заглавува“ во кујна кога температурите се високи. Токму затоа, веруваме дека ќе ви се најде овој освежителен и здрав рецепт за ладна крем-чорба од краставици.
Исечете 2 поголеми краставици по должина и извадете го мекиот дел со семки, па исечкајте го на парчиња. Излупете и исечкајте 1 главица црвен кромид, па ставете го во блендер заедно со краставицата, 1 шолја јогурт, 1 чаша кисела павлака, 1 лажица јаболков оцет, 2 лажици маслиново масло, 2 лажици ситно сечкана мирудија и сол и бибер по вкус.
Добро изматете, па ставете ја чорбата во фрижидер да се олади пред послужување.
Вистински празник за непцата!
