Легендарниот музичар Лени Кравиц беше забележан како бара женски чевли во Ив Сен Лоран на Родео драјв. Талентираниот пејач и гитарист е вообичаено познат по одличната смисла за мода, но овој пат се чини дека сепак му била потребна помош. Нему во мисијата му се придружи неговата 22-годишна пријателка Девон Рос, исто така мултиталентиран уметник која работи во глума, манекенство и може одлично да ги погоди акордите на гитарата, што навистина не е изненадувачки ако се земе предвид дека нејзиниот татко е никој друг туку Крег Рос, главниот гитарист на Лени Кравиц.

Но, многумина се прашуваат за кого миленикот на жените ги бирал чевлите. Имено, 59-годишниот музичар е многу мистериозен во врска со својот љубовен живот, но од март се шпекулира дека е во врска со манекенката и инфлуенсерка Ана Паула Вале, која е 29 години помлада. Папараците потоа ги фатија како заедно излегуваат од автомобил пред продавница за луксузна дизајнерска облека во Западен Холивуд. Иако Кравиц не е подготвен јавно да ја сподели врската, се чини дека и двајцата се вљубеници во креациите на дизајнерката, па не би чудело ако чевлите се наменети за неа. Сепак, Лени веќе дваесет години не открива ништо за својот приватен живот.