Неколку стотици илјади домови во Квебек сè уште се без струја, два дена откако ледената бура ја погоди источна Канада, каде загинаа две лица, а беше предизвикана голема материјална штета, особено во Монтреал.
Околу 630.000 домови сè уште се во мрак, во споредба со 1,1 милион деновиве.
Од локалната електродистрибутивна компанија најавија дека повеќето од нив до крајот на денот повторно би требало да имаат струја.
Во Монтреал се отворени шест привремени центри за сместување за граѓаните чиишто домови се без струја.
Ледената бура ги погоди Квебек и Онтарио, двете најнаселени провинции во Канада.
Тоа е најголемиот прекин на електричната енергија во Квебек по ледената бура во 1998 година, која ја втурна провинцијата во хаос неколку недели.
