72-годишниот музичар објави дека се повлекува од турнејата и дека концертот во Алијанц Парке во Сао Паоло, Бразил ќе биде и негов последен со легендарниот метал бенд.
“По долго размислување, со тага и радост ја објавувам мојата одлука да се повлечам од метежот и вревата на опсежниот начин на живот на турнеи. Му посакувам на бендот многу среќа во нивните идни напори”, објави МекБрејн на веб-страницата на Ајрон Мејден.
„Што да кажам? Турнеите со Iron Maiden во последните 42 години беа неверојатно патување. За моите лојални фанови, сето тоа го направивте вредно. Ве сакам”, додаде МекБрејн.
Инаку, тој се приклучи на Iron Maiden во 1982 година година. Иако се повлекува од турнеите, ќе остане во близок контакт со бендот. Тој потврди дека ќе продолжи да биде вклучен во различни проекти на самиот бенд, но и дека ќе се фокусира на лични проекти.
„Да се откаже од турнејата пред 90.000 обожаватели овде во Сао Паоло во текот на две ноќи е поетско. Нико е и секогаш ќе биде дел од семејството на Iron Maiden“, рекоа од бендот.
Настапот во Сао Паоло ја означува последната изведба на светската турнеја на Iron Maiden „The Future Past“, која започна во септември. Бендот ќе се врати на турнејата во 2025 година насловена „Run for Your Lives“, која треба да започне во мај.
