Ако ги сакате класичните лазањи, но немате време да ги подготвите и редите тестата, оваа верзија со тортиљи би можела да стане еден од вашите омилени рецепти.
Потребно:
- 4 тортиљи
- 500 г мешано мелено месо
- 200 г рендан кашкавал (Гауда или друг по ваш избор)
- 1/2 црвена пиперка
- 1/2 зелена пиперка
- 1 голем кромид
- 300 мл доматно пире
- 2 лажици масло
- 1 лажичка суз мешан зачин
- ½ лажичка мелен пипер
- 1 лажичка сушен оригано, плус малку за посипување
Подготовка: Исечете го кромидот и двете пиперки на мали коцки. Изрендајте го кашкавалот на грубо ренде. Загрејте го маслото во голема тава и додадете го меленото месо. Пржете го околу 5 минути, мешајќи за да се иситни и рамномерно да порумени. Зачинете го месото со сув зачин, пиперка и оригано. Додадете го исечканиот кромид, промешајте кратко, потоа додадете ги црвените и зелените пиперки. Покријте и гответе околу 5 минути, мешајќи повремено. Истурете го доматно пире, добро промешајте и продолжете со готвењето уште 5 минути за да се соединат сите вкусови. Тргнете од оган. Обложете кружен плех за печење со хартија за печење. Ставете една тортиља на дното, намачкајте дел од филот од месо и наросете со малку од ренданиот кашкавал. Продолжете да редите тортиља – фил – кашкавал по ред додека не се потрошат сите состојки. Завршете со слој рендан кашкавал. Посипете уште малку оригано одозгора и печете во претходно загреана рерна на 180 до 185 °C околу 20 минути, или додека кашкавалот не се стопи и убаво не порумени. По печењето, оставете ја лазањата да отстои 5 до 10 минути за полесно да се сече. Извадете ја од садот, исечете ја на четвртини и послужете ја додека е сè уште топла.
