Осминафиналните парови во македонскиот фудбалски Куп донесоа и неколку пенал завршници, како и интересни резултати кои одат во прилог на две второлигашки екипи.
Детонит Плачковица го победи Пелистер по изведување пенали во Битола, откако во регуларниот дел од средбата беше 1:1, додека Арсими славеше против Воска Спорт со 3:1 и си обезбеди место во четвртфиналето.
Драматично беше и во Кратово, каде Силекс и Шкупи не постигнаа ниту еден гол, а домаќините беа попрецизни во пенал рулетот и го елиминираа ривалот од скопски Чаир.
Вардар не погреши на домашен терен против Тиквеш, Струга со идентични 2:0 ја победи Македонија Ѓ.П, а во дуелот на две Шкендии, фаворитот од Тетово славеше со 1:0 против денешниот противник од Арачиново.
Пласман во четвртфиналето обезбедија и АП Брера, односно Гостивар, кои денеска не погрешија против Беса, односно Брегалница.
Вардар-Тиквеш 2:0
Струга-Македонија Ѓ.П 2:0
АП Брера-Беса 2:0
Гостивар-Брегалница 1:0
Силекс-Шкупи 0:0 (4:2)
Пелистер-Детонит 1:1 (1:4)
Арсими-Воска Спорт 3:1
Шкендија-Шкендија А. 1:0
