Ова јадење можете да го направите за појадок или вечера – ќе го обожава целото семејство.
Доколку сакате, можете да го подготвите и во посна варијанта, со алтернативи од растително потекло.
Како да ги подготвите овие крцкави печени лепчиња?
Потребни состојки:
- 1 багет (или леб по ваша желба)
- околу 200g путер
- 5 чешниња лук
- ситно сечкан магдонос
- сол, чили, мелен пипер (по вкус)
- 100g кашкавал
Начин на подготовка:
- Измешајте ги путерот (на собна температура), ситно сечкан лук, магдоносот и зачините за да се спојат убаво.
- Премачкајте ги парчињата леб со смесата, па печете во загреана рерна на 200°C околу 10 минути.
- Кога лебот ќе зарумени, ставете кашкавал (рендан или тенко парче) врз секое парче, па печете уште 5 минути.
- Секое парче леб/багет пресечете го на помали парчиња.
- Послужете го со павлака, кечап или со омилениот сос.
