Оваа торта потсетува на чизкејк, но е поздрава, а за нејзина подготовка ви требаат само 4 состојки.
Ако се храните здраво, а сакате вкусен десерт, наша препорака е јогурт торта, која се подготвува лесно, а ќе ја обожаваат сите.
Затоа, направете ја уште денес.
Потребни состојки (за 6-8 мали парчиња):
- 300g грчки јогурт (5% масленост)
- 50ml мед
- 20g пченкарно брашно (2 лажици)
- 2 јајца
- Јагоди за декорација
Начин на подготовка:
- Во длабок сад ставете ги сите состојки и мешајте додека не добиете мазна смеса.
- Кружен калап (15cm) обложете го со хартија за печење и внатре истурете ја смесата.
- Протресете го калапот за смесата да се распореди рамномерно, а потоа покријте ја со алуминиумска фолија.
- Печете на 180°C околу 50 минути (но, отстранете ја фолијата по 20 минути).
- Откако ќе ја извадите тортата од рерна, оставете ја да се олади во калапот, а потоа префрлете ја на чинија (заедно со хартијата за печење).
- Внимателно префрлете ја тортата на чинијата, зашто таа ќе биде малку мека и кршлива, но ќе се стегне – оставете ја во фрижидер околу 2 часа.
- Исечкајте ги јагодите, ставете ги во длабок сад и измешајте ги со мед и малку сок од лимон (за да не потемнат).
- Кога ќе ја извадите од тортата од фрижидер, отстранете ја хартијата за печење, па украсете ја со јаготките (или овошје по желба).
