Драмата околу разводот на мегапопуларниот холивудски актер Кевин Костнер заврши.
Легендарниот актер Кевин Костнер и екс сопругата Кристин Баумгартнер конечно решија се околу разводот и ставија крај на судската драма.
Според правните документи до кои дојде ТМЗ, Кевин и Кристин потпишале договор, кој го поднеле до судот. Бидејќи поминаа повеќе од 6 месеци откако Кристин поднесе барање за развод, а според правилата на државата Калифорнија – случајот е завршен.
Детали за нагодбата се уште не се достапни.
Двете страни бараа заедничко старателство над нивните три деца, а Кристин добиваше 63.000 долари месечно како издршка. Таа бараше неверојатни 248.000 долари месечно,без никаква реална причина. Една од ставките што таа ги навела на трошоците била 100.000 долари за естетска хирургија. Сепак, пред одлуката за издршка на детето, Кевин и понудил 75.000 долари месечно.
Кевин и Кристин лично го потпишаа документот со кој се потврдува спогодбата, заедно со нивните адвокати.
Во документот, исто така, се вели дека страните се откажуваат од типичните барања за заеднички часови за родителство.
