Екс пратеничката Никица Корубин во емисијата „21 Анализа“ на ТВ21 вели дека идентитетот никој не може да ни го смени.

„Идентитетот си го спориме или не си го спориме само ние. Ако ние не сме сигурни во сопствениот идентитет, тогаш се разбира било кое оспорување, било каква политичка или друга провокација може да ве измести од баланс“, вели Корубин.

Таа вели дека ние имаме две Комисии, и не е само Бугарија таа која што го спори нашиот наратив.

„Имаме две комисии, и во Договорот со Бугарија и во Преспанскиот Договор за образовни историски прашања, значи не е само Бугарија таа која што го спори нашиот наратив. Еднакво го спори и Грција меѓутоа ретко кој зборува и за членовите на Комисијата со Грција и што тие постигнале како договор, и како оди напредокот на преиспитувањето на тие наративи, но најголемиот проблем е што има апсолутна забрана, речиси на ниво на цензура, да се зборува за тој наратив кај нас и меѓу нас“, вели Корубин.