Австралискиот тенисер со грчко потекло, Ник Кирјиос, даде изјава за домашните медиуми откако во јавноста се појавија информации за нов допинг-скандал поврзан со неговиот колега, Гонзало Оливеира.
Оливеира доби суспензија од Меѓународната единица за интегритет, а Кирјиос смета дека „лудилото“ со допингуваните спортисти мора да запре, но не беше воопшто шокиран од овој скандал.
„Не знам дали верувате кога велам дека не сум воопшто шокиран. Ова не е прв, ниту последен случај. Не ми е јасно зошто тенисерите толку многу посегнуваат по овие сусптанци, но тоа го гледаме и во другите спортови.
Не знам што минувало низ главата на Гонзало, но сигурен сум дека си стави црна дамка на кариерата. Исто како Синер и сите останати, овие скандали засекогаш ќе останат врежани во нивните кариери. Ова лудило мора да запре, само строги казни и одземање на сите трофеи може нешто да смени“, изјави тенисерот.
Кирјиос во јануари се појави и настапи на Мелбурн Парк со „вајлд-карта“, но беше елиминиран уште во првото коло на Австралија Опен.
