Познатиот кардиолог и алпинист Сашко Кедев со нов успех. За 10тина дена успеа да искачи два хималајски врвови високи над 8000 метри.

Сашко Кедев е првиот Македонец кој го искачи четвртиот врв на светот Лотсе висок 8.516 метри на Хималаите. Пред Лотсе само осум дена претходно Кедев го освои и Макалу петтиот врв по височина. Неговиот шерпас Мигма со посебна радост ја објави убавата вест: Сашко Кедев првиот Македонец на Макалу самиот. Сашко Кедев за Канал 5 раскажува, секоја врв со своја тежина и предизвик но најважно е да сте со тимот. На планината нема вие што можете и сакате, туку смиреноста и да се вклопите со природата и планината и да сте заедно со тимот. Со секој раскажан збор Кедев ви ги приближува Хималаите нивната големина, но притоа во сите зборови чувствувате смиреност и мотив дека во животот се можете ако сакате.

Кедев по Макалу не застанува со Хималаите, продолжува за Лотсе. И тука по стигнувањето во третиот камп го поминуваат четвртиот камп, нови 1.500 метри висинско искачување од последниот камп до врвот.

Високогорецот раскажува дека сите што одат на големи височини да имаат постепен пристап, да го тестираат организмот и да се потенцира и генетскиот материјал, бидејќи многумина не можат да поднесат височини. Но, посебно да се внимава од смрзнатини и хипотермија. Професорот кардиолог вели дека е против искачување без кислород које најголем ризик.

Кедев има искачено десет врва остануваат уште четири од вкупно 14 врвови над осум илјади метри.

Кедев е среќен што на Лотсе кога тој бил таму имало македонски самит тој се качи на 13 Мај, а на 20 Мај се качи неговиот колега Златко Јаќовски професор од судска медицина.